Культурна-забаўляльная праграма «Папараць-кветка»

У гэтым летнім аздараўленчым сезоне для выхаванцаў лагераў дзённага знаходжання ўстаноў адукацыі горада Віцебска педагогамі аддзела тэхнічнай творчасці была арганізавана культурна-забаўляльная праграма «Папараць-кветка». 

Мэтай мерапрыемства было азнаямленне ўдзельнікаў з традыцыямі святкавання народнага свята Купалле, знаёмства з народнымі гульнямі, пашырэнне і паглыбленне ведаў дзяцей пра беларускі тэатр батлейка, выхаванне паважлівага станаўлення і патрэбнасці  эмацыянальнага ўспрыняцця паэтычнага слова, выхаванне пачуцця павагі да роднай мовы.

Пад час мерапрыемства дзеці гулялі ў гульні, плялі вянкі, адгадвалі загадкі, хлопчыкі дарылі дзяўчынкам кветкі, а потым усе разам глядзелі спектакль тэатра батлейка «Папараць-кветка».

Спектакль быў створан навучэнцамі і педагогамі аддзела тэхнічнай творчасці ў рамках сямейнага інтэрнэт-праекта «Дзеткі і кветкі» і ўяўляе сабой сумесь традыцыйнай народнай творчасці і сучасных інфармацыйных тэхналогій. Артыкул пра праект і сцэнарый спектакля былі надрукаваны ў  республіканскім  навукова-педагагічным часопісе «Народная асвета» 5/2023 г. (Спасылка на матэрыял).

Удзельнікі мерапрыемства, а гэта 195 хлопчыкаў і дзяўчынак з 7 устаноў адукацыi, цікава правялі час, атрымалі новыя уражанні і засталіся задаволенымі.    

Егунёва Н.А.,
метадыст аддзела
тэхнічнай творчасці