Вынікі семінара-практыкума “Сучасныя формы выхаваўчай работы як сродкі фарміравання нацыянальнай самасвядомасці навучэнцаў і моладзі” для настаўнікаў роднай мовы і літаратуры Віцебскай вобласці
17 лістапада Віцебскі гарадскі цэнтр сустракаў гасцей, настаўнікаў беларускай мовы і літаратуры – слухачоў павышэння кваліфікацыі ДУДАД “Віцебскі абласны інстытут развіцця адукацыі”.
Арганізатары мерапрыемства, педагогі аддзела тэхнічнай творчасці, прапанавалі шэраг матэрыялаў з вопыту работы Цэнтра па тэме семінара.
Загадчык аддзела тэхнічнай творчасці Іванова А.У. зрабіла агляд найбольш значных праектаў Цэнтра: гарадскіх конкурсаў па маляванцы і выцінанцы, гарадской навукова-практычнай канферэнцыі навучэнцаў, выніках 50-й гарадской выставы дзіцячай творчасці і г.д. Падагульніла, што асаблівасць і непаўторнасць культурных традыцый, тэхналогій народнага вырабу з’яўляюцца каштоўным матэрыялам для фарміравання нацыянальнай самасвядомасці навучэнцаў у працэсе засваення розных відаў беларускага народнага мастацтва.
Сучасныя тэхналогіі няспынна ўваходзяць у наша паўсядзённае жыццё, і адным з адукацыйных трэндаў апошніх некалькіх гадоў з’яўляецца лічбавае навучанне. Задача настаўнікаў – даць навучэнцам інструменты, якія дапамогуць ім арганізаваць самастойнае навучанне, дазволяць стаць больш актыўнымі ўдзельнікамі адукацыйнага працэсу, а педагогам – прымяняць новыя мадэлі, метады навучання і выхавання.
Метадыст аддзела тэхнічнай творчасці Егунёа Н.А. у сваім пытанні “Выкарыстанне магчымасцей сучасных медыйных працэсаў пры стварэнні інавацыйных праектаў аддзела тэхнічнай творчасці” пазнаёміла ўдзельнікаў з асноўнымі ўмовамі правядзення гарадскога конкурсу анімацыйных фільмаў “МультикМой”, прэзентавала матэрыялы медыянараў і выхавыўчых мерапрыемстваў, апублікаваных на сайце Цэнтра ў раздзеле “Віртуальны метадычны кабінет”. Больш падрабязна распавяла пра сямейный інтэрнэт-праект “Дзеткі і кветкі”, адным з вынікаў якога стаў спектакль тэатра батлейка “Папараць-кветка”. Педагогі аддзела прадэманстравалі яго для ўдельнікаў семінара. У час паказу “зацвіла” папараць-кветка – галаграфічная 3D-мадэль, якую выканалі навучэнцы аб’яднання па інтарэсах “Юны аніматар”. Педагог Рукаль Таццяна Міхайлаўна правяла інтэрактыўную гульню “Літаратурная Віцебшчына” з настаўнікамі. Гэта стала своеасаблівым тэставаннем лічбавага прадукта, які ў хуткім часе будзе ўдзельнічаць у рэспубліканскім конкурсе “Патриот. by”.
На практычных занятках “Інфармацыйна-тэхналагічнае забеспячэнне працэсу навучання” Рукаль Т.М. пазнаёміла настаўнікаў з вэб-сервісамі і прапанавала іх да выкарыстання пры правядзенні вучэбных і факультатыўных заняткаў па беларускай літаратуры:
Emaze, etreniki, ZipGrade, Mentimetr, Plickers, Joyteka, Nearpod, Genial,
Kahoot.
Таксама азнаёміла з карыснымі спасылкамі на блогі настаўнікаў беларускай мовы і літаратуры А. Мігаль (г. Гомель) і рускай мовы і літаратуры Д. Мінец (г. Чарапавец).
Прэзентацыя "Web-сервісы для настаўнікаў"
Сапраўдным падарункам удзельнікам семінара сталі майстар-класы “Стварэнне пано “Кветкі” і “Паштоўка на Каляды ў тэхніцы друкавання”, якія падрыхтавалі і правялі Раманава Н.Г., Вараб’ева Г.І (аддзел тэхнічнай творчасці) і Родчанка Ф.С.(аддзел дэкаратыўна-прыкладной творчасці).
Па водгуках удзельнікаў, семінар паказаў высокі выхаваўчы патэнцыял дзейнасці Віцебскага гарадскога цэнтра дадатковай адукацыі ў галіне выхавання грамадзяніна і патрыёта нашай краіны, спрыяў павышэнню ўзроўню ІКТ-кампетэнцыі настаўнікаў пры арганізацыі адукацыйнага працэсу пры выкладанні роднай мовы і літаратуры.
Егунёва Н.А.,
метадыст аддзела тэхнічнай творчасці
Апрель 2024 |
||||||
---|---|---|---|---|---|---|
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |